.

.

.
‏بالعز رفرف ياعلم دار الامجاد
‏ يوم الوطن يوم الفخر والسلامي
‏يومن نعده عندنا ثالث اعياد
‏ الله يعيده بالسعد كل عامي
‏حب الوطن هو ثالث الشرب والزاد
‏ ومن غرق في حب الوطن مايلامي
‏تسع وثمانين السنه عز وامجاد
‏ في ظل عالين الذكر والمقامي
‏عبدالعزيز ازهب لها سرج وشداد
‏ وارسا بناها في عجاج وكتامي
‏شيخن يقود الجيش مهوب ينقاد
‏ لين اذعنت له بالرسن والخطامي
‏واكمل بناه وشادها خير من شاد
‏ ودانت وصارت له علي ما يرامي
‏ومن عقبه اشباله عريبين الاجداد
‏ ساروا علي نهجه تمام التمامي
‏واليوم عصر ابو فهد خير من جاد
‏ جوده وجهده للوطن باهتمامي
‏حامي حمي البيتين عن كل من كاد
‏ وظلن ظليلن للمواطن وحامي
‏نعيش في كنف الوطن جمع وافراد
‏ ماعاش عيشتنا جنوبي وشامي
‏ارضه ملاذ وملتجا كل مرتاد
‏ يعيش فيه ويرتوي كل ظامي
‏هذا الوطن غصبن علي كل حساد
‏ فضلن من الله والسلام الختامي
‏
‏